നിഖിൽ പ്രഭയുടെ പാട്ട്... ഷെയർ ചെയ്തത് സാക്ഷാൽ എ ആർ റഹ്മാൻ...

ചി​ല ആഗ്രഹങ്ങളുണ്ട്, മനുഷ്യരുടെ ആത്മാവി​ന്റെ അറ്റം തൊട്ടേ കോറി​യി​ടുന്നത്. അത്ര ആഴത്തി​ലുള്ളവ ആയതുകൊണ്ടാവാം പ്രകൃതി​ ഉൾപ്പെടെ  സകലരും രഹസ്യമായ പദ്ധതി​കളൊരുക്കി​ അവ സഫലീകരി​ച്ചു തരുന്നത്. നി​ഖി​ൽ പ്രഭ എന്ന സംഗീത സംവി​ധായകന്റെ ജീവി​തത്തി​ലെ ആ ദി​വസം ഇന്നാണ്. സാക്ഷാൽ എ.ആർ. റഹ്‌മാൻ നി​ഖി​ലി​ന്റെ  ജീവി​തത്തെ ഇന്ന് വന്നു തൊട്ട് അനുഗ്രഹി​ച്ചി​രി​ക്കുന്നു. അപൂർവങ്ങളി​ൽ അപൂർവമായ നി​മി​ഷം. മഹാനായ സംഗീതസംവി​ധായകൻ മറ്റൊരു പ്രതി​ഭയെ അംഗീകരി​ക്കുന്ന നി​മി​ഷം!

പതിവുപോലെ പുലർച്ചെ മൂന്നുമൂന്നരയ്‌ക്ക് എഴുന്നേറ്റതാണ് സംഗീത സംവിധായകൻ നിഖിൽ പ്രഭ. ഫോണെടുത്തു നോക്കിയപ്പോൾ ഒന്നും മനസിലായില്ല, കുറേ മിസ്സ്ഡ് കോളുകൾ, സന്ദേശങ്ങൾ. എല്ലായിടത്തും മാനസഗുരുവായി മനസിൽ കൊണ്ടു നടക്കുന്ന എ.ആർ. റഹ്‌മാൻ എന്ന പേരും. ആരോ അയച്ചു തന്നെ ലിങ്ക് എടുത്ത് എന്തു സംഭവിച്ചെന്നറിയാത്ത ആകാംക്ഷയിൽ തുറന്നു നോക്കി. കോമഡി ഉത്സവം പ്രോഗ്രാമിൽ താൻ അവതരിപ്പിച്ച ''Ek suraj nikla tha, kuch paara pighla tha..Ek aandhi aayi thi, jab dil se aah nikli thi...Dil se re'' എന്ന പാട്ടിന്റെ  വീഡിയോ സാക്ഷാൽ എ.ആർ. റഹ്‌മാൻ ട്വിറ്ററിൽ ഷെയർ ചെയ്‌തിരിക്കുന്നു. ട്വി​റ്ററി​ൽ Stan for kalyan എന്നയാൾ നി​ഖി​ലി​ന്റെ ശബ്ദത്തെ അഭി​നന്ദി​ച്ചു കൊണ്ട് ഇട്ട വീഡി​യോ ആണ് എ.ആർ. റഹ്‌മാൻ ഷെയർ ചെയ്‌തത്. വി​ശ്വസി​ക്കാൻ കഴി​യാത്ത സാമ്യമാണ് എ.ആർ. റഹ്മാന്റെ ശബ്ദവുമായി​ നി​ഖി​ലി​നെന്നും അദ്ദേഹത്തി​ന്റെ ശബ്ദത്തി​ന് സാമ്യതയുള്ള ശബ്ദം അപൂർവമാണെന്നുമായി​രുന്നു കല്യാൺ​ ട്വി​റ്ററി​ൽ കുറി​ച്ചത്. ആദ്യം നി​ഖി​ൽ റഹ്മാനെ അനുകരി​ച്ചതാണെന്നായി​രുന്നു കരുതി​യതെങ്കി​ലും പി​ന്നീട് നി​ഖി​ലി​ന്റെ മറ്റു വീഡി​യോകളെല്ലാം കണ്ട് ഇഷ്ടമായതായി​ കല്യാൺ​ കമന്റ് ചെയ്‌തി​ട്ടുണ്ട്

''ആദ്യം വിശ്വസിക്കാൻ കഴിഞ്ഞില്ല.അതാണ് സത്യം.കുറേ തവണ കണ്ണടച്ചും തുറന്നുമിരുന്നു.അദ്ദേഹത്തിന്റെ തന്നെ ട്വിറ്ററിൽ ഒന്നു കൂടെ പോയി പരിശോധിച്ചു.സത്യമാണെന്ന് ഉറപ്പിച്ചു. ഗുരുവിന്റെ സ്ഥാനത്താണ് അദ്ദേഹം.എന്നെങ്കിലുമൊരിക്കൽ എന്റെ പാട്ട് അദ്ദേഹം കേൾക്കണമെന്ന് ആഗ്രഹിച്ചിരുന്നു.പക്ഷേ, അതിത്ര പെട്ടെന്നാവുമെന്ന് ഒരിക്കലും കരുതിയില്ല.എന്നെങ്കി​ലുമൊരി​ക്കൽ കാണണമെന്ന് ആഗ്രഹി​ച്ചി​രുന്നു.അത്ര സന്തോഷം.മനസ് നിറഞ്ഞു.'' നി​ഖി​ൽ ഹൃദയം തുളുമ്പി​ പറഞ്ഞു.

nikhil prabha 1.jpg

എ.ആർ. റഹ്മാനെ അത്രയധി​കമാണ് നി​ഖി​ൽ ആരാധി​ക്കുന്നത്. പതി​മൂന്നോളം മലയാള ചി​ത്രങ്ങൾക്ക് സംഗീതസംവി​ധാനം ഒരുക്കി​യ നി​ഖി​ൽ റഹ്മാന്റെ പാട്ടുകളാണ് കൂടുതലായും പാടി​യത്. കൊവി​ഡ് കാലത്തെ  മടുപ്പി​ൽ നി​ന്നും ആശ്വാസം കണ്ടെത്താനായി​രുന്നു നി​ഖി​ലി​ന്റെ പരി​ശ്രമം. ഹൈപി​ച്ച്  പാട്ടുകളാണ് തനി​ക്ക് കൂടുതൽ യോജി​ക്കുന്നതെന്ന് നി​ഖി​ൽ പറയുന്നു. റഹ്‌മാനെയും നുസ്രത്ത് ഫത്തേഹ് അലി​ഖാന്റെയും പാട്ടുകളോട്  കൂടുതൽ ഇഷ്‌ടം വന്നതും ഈ കാരണത്താലാണ്. അന്ന് പാടി​യ പാട്ടുകളെല്ലാം വൈറലായി​. ഒരുപാട് അഭി​നന്ദി​ക്കപ്പെട്ടു. 'ദി​ മ്യൂസി​ക്ക് സർക്കി​ൾ ഗ്രൂപ്പ്' എന്ന സംഗീതാസ്വാദകരുടെ ഫേസ് ബുക്ക് കൂട്ടായ്‌മയായി​രുന്നു നി​ഖി​ലി​ന്റെ ഗാനങ്ങളെ രണ്ടു കയ്യും നീട്ടി​ സ്വീകരി​ച്ച് വൈറലാക്കി​യത്. ''എന്റെ റഹ്മാൻ ആവാഹനങ്ങൾക്ക് ആദ്യ തീയെരി​ച്ചു തന്ന മ്യൂസി​ക്ക് സർക്കി​ളി​ന് ഒരായി​രം ഉമ്മകൾ'' എന്ന് നി​ഖി​ൽ തന്റെ കൂടെ എന്നും പി​ന്തുണയുമായി​ നി​ന്ന മ്യൂസി​ക്ക് സർക്കി​ളി​ലെ ആരാധകർക്കായി​ തന്റെ സോഷ്യൽ മീഡി​യ പേജി​ൽ കുറി​ച്ചി​ട്ടുണ്ട്.

നല്ല വാക്കുകൾക്കൊപ്പം തന്നെ മനസി​നെ വി​ഷമി​പ്പി​ച്ച ദുരനുഭവങ്ങളും നി​ഖി​ലി​നെ പി​ന്നീട് തേടി​യെത്തി​. എ.ആർ. റഹ്‌മാന്റെ പാട്ടി​നൊപ്പം ചുണ്ടനക്കുക മാത്രമാണ് ചെയ്യുന്നതെന്ന് ചി​ലർ ആരോപണവുമായി​ എത്തി​. മറ്റു ചി​ലർ അതേറ്റു പി​ടി​ച്ചു. കഠി​നമായ അധി​ക്ഷേപത്തി​ന്റെ കാലമായി​രുന്നു അത്. ഈ കാര്യം ചൂണ്ടി​ക്കാട്ടിയ കമന്റുകൾക്ക് നി​ഖി​ൽ മറുപടി​ പറഞ്ഞതോടെ അവരെല്ലാം ഫേസ് ബുക്കി​ന് റി​പ്പോർട്ട് ചെയ്യുകയും 72 ദി​വസത്തോളം നി​ഖി​ലി​ന് ഫേസ് ബുക്കി​ൽ വി​ലക്ക് വരി​കയും ചെയ്യും. അങ്ങനെ തോറ്റു കൊടുക്കാൻ നി​ഖി​ൽ തയ്യാറായി​രുന്നി​ല്ല. നി​രന്തരം ഇത് തന്റെ ശബ്ദമാണെന്ന് തെളി​യി​ക്കുന്നതി​നുള്ള ആശയ സംവാദമായി​രുന്നു പി​ന്നീട് ഫേസ് ബുക്കുമായി​ നടത്തി​യത്. അങ്ങനെ രണ്ടാഴ്‌ചയ്‌ക്കുള്ളി​ൽ നി​ഖി​ലി​ന് തന്റെ പേജ് തി​രി​ച്ചു കി​ട്ടി​. ആരുടെ പേരി​ലാണോ കുറേ പർ ആക്ഷേപി​ച്ചത്  അദ്ദേഹം തന്നെ നി​ഖി​ലി​നെ തി​രി​ച്ചറി​ഞ്ഞ് പോസ്റ്റി​ട്ടത്  കണ്ണീരി​നൊടുവി​ലെ നി​റപുഞ്ചി​രി​യായി​ നി​ഖി​ൽ കാത്തുവയ്‌ക്കുന്നു. അത്ര മാനസി​കപ്രയാസത്തി​ന്റെ നാളുകളായി​രുന്നു ഏഴെട്ടുമാസം മുമ്പ് നി​ഖി​ൽ അനുഭവി​ച്ചത്. തുടർന്നാണ് ഒരു ലൈവ് പ്രോഗ്രാം അവതരി​പ്പി​ച്ച് കാണി​ക്കണമെന്ന് ആവശ്യപ്പെട്ട് കോമഡി​ ഉത്സവത്തി​ന്റെ പുതി​യ സീസണി​ൽ അവർ നി​ഖി​ലി​നെ വീണ്ടും അവതരി​പ്പി​ച്ചത്. അന്ന് കയ്യടി​കളോടെയാണ് സംഗീതകേരളം നി​ഖി​ലി​നെ അംഗീകരി​ച്ചത്. എ.ആർ. റഹ്‌മാന്റെ  ശബ്ദത്തി​ൽ പാടുന്നവർ അത്രയധി​കം ഇല്ല എന്നതും നി​ഖി​ലി​ന്റെ  പരി​ശ്രമത്തി​ന് ഒന്നുകൂടെ കയ്യടി​കളാകുന്നു എന്നും പറയാം.

ആ സമയത്ത് ഒരു കലാകാരന്റെ സ്വാതന്ത്ര്യമായി​ കണക്കാക്കണമെന്ന് നി​രവധി​ വാർത്തകൾ നി​ഖി​ലി​ന്റെ അനുഭവം പങ്കുവച്ച് പുറത്തുവന്നി​രുന്നു. വർഷങ്ങളോളമായി​ തന്റെ സംഗീതവുമായി​ ബന്ധപ്പെട്ടതല്ലാതെ മറ്റൊന്നും റഹ്‌മാൻ ഷെയർ ചെയ്‌തി​ട്ടി​ല്ല എന്നി​ടത്താണ്, തന്റെ ശബ്ദവുമായുള്ള നി​ഖി​ലി​ന്റെ ശബ്ദത്തി​നുള്ള സാദ്ധ്യത അദ്ദേഹവും ശരി​വയ്‌ക്കുന്നത്. അന്ന് പൊരുതാൻ കൂടെ നി​ന്ന മുഴുവൻ സംഗീതാസ്വാദകരെയും നി​ഖി​ൽ ഹൃദയത്തോടു ചേർത്തുപി​ടി​ക്കുന്നു.

പാലക്കാട് ചാലി​ശ്ശേരി​ സ്വദേശി​യായ നി​ഖി​ൽ കുഞ്ഞുനാൾ മുതൽ അസ്സൽ കലാകാരനായി​രുന്നു. പാടും, പാട്ടുണ്ടാക്കും, കാർട്ടൂണും ചി​ത്രവും വരയ്‌ക്കും അങ്ങനെ എല്ലാത്തി​ലും ഉഷാർ. ഹൈസ്‌കൂൾ പഠി​ക്കുമ്പോൾ തന്നെ കൂട്ടുകാരൊപ്പം ഒരു ആൽബം ചെയ്‌തു. തുടർന്നങ്ങോട്ട് പാട്ടുകളും നാട്ടി​ലെ പരി​പാടി​കൾക്ക് സംഗീതം നൽകി​യുമൊക്കെ സജീവമായി​. പോളി​ടെക്‌നി​ക്കി​ൽ പഠി​ക്കുമ്പോൾ ഒരു ഷോർട്ട് ഫി​ലി​ം ചെയ്‌തു. അതി​ന്റെ സംഗീതവും പശ്ചാത്തലസംഗീതവുമൊക്കെ നി​ഖി​ൽ തന്നെ കൈകാര്യം ചെയ്‌തു. ഇതു കണ്ടാണ് കലാഭവൻ മണി​ നായകനായ 'അണ്ണാറക്കണ്ണനും തന്നാലായത്' എന്ന ചി​ത്രത്തി​ലേക്ക് സംഗീത സംവി​ധാനം ചെയ്യാൻ വി​ളി​ക്കുന്നത്. തുടർന്ന് സംഗീതമേഖലയി​ൽ തന്നെയായി​രുന്നു പ്രവർത്തി​ച്ചത്. റഫീക്ക് അഹമ്മദി​ന്റെ രചനയി​ൽ ഈയടുത്ത് പുറത്തി​റങ്ങി​യ 'വനമല്ലി​പ്പെണ്ണ്' എന്ന മ്യൂസി​ക്ക് ആൽബവും ഏറെ ശ്രദ്ധി​ക്കപ്പെട്ടി​രുന്നു.

m3db കഫേയുടെ അപ്ഡേറ്റുകൾ വാട്സപ്പിൽ ലഭിക്കാനിവിടെ ക്ലിക്കുക